Junioren

Aktivitäten

Unsere Juniorentrainer

Lager 2011

Montag

Sehnsüchtig wurde dieser Tag erwartet und nun ist es endlich soweit:
Das Juniorenlager 2011 hat begonnen!

mäntig morge
ändli isches wider so wiit gsii, es hät ghäisse iirucke für is riitlager. scho abem halbi achti sind di erschte voll überdräite mädels um de boxeschopf umeghüpft. di erschte ross sind au scho iitroffe. am viertlab achti hämer dän erschti instrucktione becho. und am viertlab nüni sind di fortgschrittne scho ufem ross ghocket. und d'brevet ahwärter händ alles bereit ghaa zum voortrabe. di chlinere händ nochli theoriie gmacht. nachdem di fortgschrittne d'iistiger dressur gritte händ, sinds dän au no go voortraabe. nach dem hämer dänn alli gmeinsam de mittagsstall gmacht und sind dän go z'mittag ässe.
am 2 simer dän schowider uf de ross gsii und di fortgschrittne händ de liechti sitz güebt und au no es paar sprüngli gmacht. d'brevet ahwärter händ no ade genauigkeit vo de huufschlag fiigure gschafet, und nacher hämer dän gwächslet. di chlinere händ am nammittag au scho ihri ersti riitstund ghaa. dän händ alli ihri ross versorget und händ chöne di erschte zwei voorträg über huufschlagfigure und d'pfläg vom ross lose. und scho hämmer chöne go z'nacht ässe und nacher sind d'ross no fertig gmacht worde. aber dän häts ghäisse ab id fädere. fazit vom erschte tag; es hät hammer mässig ahgfange, und so wirds wiiter gaah:))

Dienstag

Nachem morgestall und em z'morge ässe, isch d'gruppe drüü uf de sandplatz use und d'gruppe vier isch zum urs schänkel uf d'wise go springe. nacheme chlinnere zwüschefall vo eim vo oisne 4-jährige ross sind dän d'anna und d'lara zude gruppe drüü gange chlii go chrüüüzli gumpe. di chlinere händ theoriiie güebt. dän häts wider so en supper fäine zmittag gääh wie immer. nachem ässe und dä mittags rueh sind dän di groose us de gruppe vier go uusriite mit de therese. d'gruppe drüü hät ufem sandplatz huufschlag figuere und ihri genauigkeit g'üebt. di ganz chline sind dän au no ide halle go riite. au adem abig hämer no zwei spannendi voorträg dörfe zuelose. und dän zum chröönende abschluss hämer dän no dä film flicka glueget ghaa...

Mittwoch

Au hüt wider hämmer am morge früeh müesse in stall gah, nachem habbere hämer dän zmorge gässe. und nachem zmorge simmer au scho uf d'ross ghocket. nachere sehr lehrriiche stund hämer dän nochli gymkhana güebt.
nachem mittag ässe simmer dän is halle bad in Bauma und händ det chli entspannt. d'lea und d'melissa händ nöd welle mit cho id badi und so sind si halt dihei blibbe und händ defür für oiis de stall scho fertig gmacht. nachem z'nacht ässe simmer dän uusnahmswiis mal früeh is bettli.:))

Donnerstag

Am dunnstig morge nachem zmorge ässe sind di ganz groosse go temporiite üebe. d'gruppe drü isch ide halle go d'brevet sprüngli üebe. gruppe eis und zwei händ därfe gymkhana üebe. und dän hämer no alli oisi zoimli und sättel gfettet und gschniglett, für d'voorfüehrig vom morgige tag. nachem zmittag ässe simer dän ide halle mal gserscht go zfues quadrille üebe, und dän au scho uf d'ross und händ dän erschti versüech gstartet und mehreri verschideni figure güebt. dän simmer go d'ross versorge und händ d'quadrille uufzeichnet und dän hämmer si no 2 mal z'fuess abgloffe, nacheme chlinnere chnopf und wirrwarr hämers dän aber doch no gschafft.:)) am abig simmer dän tood müed is bett gange.

Freitag

Samstag

Leider isch hüt scho wieder de letschti lagertag. drum heisst putze und nomal putze.

Es hät allne mega spass gmacht, es riese dankeschön a alli leiter und hälfer!